მასაჟი

გამაჯანსაღებელი და ამასთანავე ძალიან სასიამოვნო პროცედურაა, რომელზეც უარს თითქმის არავინ ამბობს. ალბათ ყველა დამეთანხმებით, რომ დღევანდელ ყოველდღიურობაში, ის განტვირთვის საუკეთესო საშუალებაა. მასაჟი ეხმარება ორგანიზმს, გათავისუფლდეს ზედმეტი სტრესისა და დაღლილობისგან. მას ძალიან დიდი გავლენა აქვს ასევე ნერვულ სისტემაზეც. პროცედურის დროს, გამოიყოფა ბიოლოგიურად აქტიური ნივთიერებები, რომლებიც ხელს უწყობს სისხლის მიმოქცევას. გარდა ამისა, ის დადებითად მოქმედებს სასუნთქ გზებზე და აუმჯობესებს ფილტვის ფუნქციას. პროცედურის დროს, კუნთები დუნდება, ეხსნება ყოველგვარი დაღლილობა, სპაზმი და დაჭიმულობა. მასაჟი ორგანიზმზე მნიშვნელოვან ზემოქმედებას ახდენს. ის ხელს უწყობს ასევე ტონუსის მომატებასა და გუნება-განწყობილების ამაღლებას. პროცედურის შედეგი და ეფექტიანობა კი მეტწილად სპეციალისტზეა დამოკიდებული. აუცილებელია, რომ მისი ხელები იყოს მგრძნობიარე და თანმიმდევრული, რადგან ამ დროს სტიმულირდება რეცეპტორული დაბოლოებები. ხოლო თუ მასაჟის დასრულების შემდეგ, ტკივილისა და დისკომფორტის შეგრძნება დაგრჩებათ, გირჩევთ, აუცილებლად შეცვალოთ მასაჟისტი.

მასაჟის ისტორია: მასაჟის ხელოვნება უძველესი დროიდან მოდის. შორეულ წარსულში, იგი მიჩნეულია როგორც სხეულის განკურნების წყარო. თავად ტერმინი კი ბერძნული წარმოშობისაა. როგორც ცნობილია, სათავე მან ჩინეთსა და ინდოეთში დაიდო. ორივე ქვეყანაში მას სათავეში ღვთისმსახურები ედგნენ. ჩინეთში მას ჯერ კიდევ, ჩვენს წელთაღრიცხვამდე, მესამე საუკუნეში მიმართავდნენ. მისი მთავარი დანიშნულება კი ტკივილებისა და ამოვარდნილობების მკურნალობა იყო. საინტერესოა ის ფაქტიც, რომ სპეციალურად ამ დარგის უკეთ შესასწავლად, ჩინეთში შექმნეს სკოლა, სადაც ამზადებდნენ სპეციალისტებს, რომლებიც სრულყოფილად ეუფლებოდნენ მასაჟის ტექნიკებსა და ხერხებს. მასაჟს აქტიურად მიმართავდნენ რომაელებიც, რომლებიც ბრძოლებისა და ტრავმების შემდეგ, მას ჭრილობებისა და ტკივილების გასაქრობად იყენებდნენ, ხოლო საბერძნეთში ის მრავალი დაავადების წინააღმდეგ იყო მიმართული. ბერძნები თვლიდნენ, რომ მას არა მხოლოდ სამკურნალო, არამედ გამაჯანსაღებელი და კოსმეტიკური დატვირთვაც უნდა ჰქონოდა, ამიტომ მისი გამოყენება ყოველდღიურად ხდებოდა. საბერძნეთში არსებობდა სალონები, სადაც მასაჟის რამდენიმე სახეობა იყო წარმოდგენილი.

მასაჟის სახეობები:მასაჟის რამდენიმე სახეობა არსებობს. უპირველესად, გამოვარჩევდი გამაჯანსაღებელ მასაჟს, რომელიც ეხმარება ორგანიზმს ყოველდღიური სტრესისა და დაღლილობის შემცირებაში და ამასთანავე, ამშვიდებს ნერვულ სისტემას. ამ დროს, ორგანიზმი იმუხტება, ივსება დადებითი ენერგიებით და ადამიანს უფრო შრომისუნარიანსა და პროდუქტიულს ხდის. სამკურნალო Masaji სხვადასხვა ტრავმისა თუ დაავადების დროს გამოიყენება. ეს შეიძლება იყოს სკოლიოზი და ოსტეოქონდროზი, რომელიც ძირითადად ხერხემლის დაავადების დროს, მასაჟით მკურნალობას გულისხმობს. რაც შეეხება სპორტულ მასაჟს, თავად სახელწოდება გვეუბნება, რომ ის სპორტსმენების ფუნქციური მდგომარეობისა და ფორმის გაუმჯობესებას გულისხმობს. მისი მთავარი მიზანია ორგანიზმში დაღლილობის მოხსნა, ტრავმების შემცირება და მოქნილობისა და ფიზიკური გამძლეობის მატება. კოსმეტიკური მასაჟის მთავარი როლი კი კანის მოვლას გულისხმობს, რომელიც ძირითადად, მიმართულია დაბერების წინააღმდეგ. ის ტარდება ლოკალურად და კოსმეტიკური დეფექტების აღმოფხვრის საუკეთესო საშუალებაა.

მასაჟის სხვადასხვა ტექნიკა: მასაჟის მრავალი ტექნიკა არსებობს, თითოეულს აქვს საკუთარი უნიკალური მიდგომა და უპირატესობები. ზოგიერთი ყველაზე პოპულარული მოიცავს:

შვედური მასაჟი: ეს ნაზი ტექნიკა მოიცავს ხანგრძლივ, ნაკადულ დარტყმებს, ცვენას და წრიულ მოძრაობებს სხეულის მოდუნებისა და სისხლის მიმოქცევის გასაუმჯობესებლად.

ღრმა ქსოვილის მასაჟი: იდეალურია მათთვის, ვისაც აქვს კუნთების ქრონიკული დაძაბულობა, ეს ტექნიკა მიზნად ისახავს კუნთების და შემაერთებელი ქსოვილის ღრმა ფენებს კვანძების გასათავისუფლებლად და ტკივილის შესამსუბუქებლად.

სპორტული მასაჟი: განკუთვნილია სპორტსმენებისა და აქტიური პირების მიმართ, სპორტული მასაჟი ფოკუსირებულია დაზიანებების პრევენციასა და მკურნალობაზე, მოქნილობის გაუმჯობესებასა და მუშაობის გაუმჯობესებაზე.

ტაილანდური მასაჟი: წარმოშობით ტაილანდიდან, ეს ტექნიკა აერთიანებს გაჭიმვას, აკუპრესურას და იოგას მსგავს მოძრაობებს ენერგიის ნაკადის გასაუმჯობესებლად და საერთო ბალანსის გასაუმჯობესებლად.

ცხელი ქვებით მასაჟი: გლუვი, გახურებული ქვები თავსდება სხეულის კონკრეტულ წერტილებზე, რათა მოდუნდეს კუნთები, გაზარდოს სისხლის ნაკადი და გამოიწვიოს ღრმა დასვენების გრძნობა.

მითი და რეალობა: მასაჟის შესახებ საკმაოდ ბევრი მითი არსებობს, ამიტომ პროცედურის დაწყებამდე გირჩევთ სრული ინფორმაცია გქონდეთ მასზე. ხშირად ჰგონიათ, რომ მასაჟისტს აუცილებლად ძლიერი ხელები უნდა ჰქონდეს, ხოლო თვითონ პროცედურა ღრმა და მტკივნეული უნდა იყოს, ეს კი ერთ-ერთი ყველაზე გავრცელებული მითია საზოგადოებაში. სინამდვილეში კი მთავარია, რომ სპეციალისტის ხელების მოძრაობა იყოს მგრძნობიარე და თანმიმდევრული. ის ზუსტად და სრულყოფილად უნდა ფლობდეს მასაჟის ტექნიკას. ამბობენ, რომ მასაჟი დამატებითი მასალებით, კრემით ან ზეთით უნდა ჩატარდეს. ეს არის კიდევ ერთი შეცდომა, რადგან ამ პროცედურების უმეტესობა ‘’მშრალია’’. კრემისა და ზეთოვანი სითხეების გამოყენებისას, მასაჟისტს მხოლოდ და მხოლოდ პროცესი უმსუბუქდება. მნიშვნელოვანია, რომ დამატებითი სითხეების გამოყენება ერგებოდეს პაციენტის საჭიროებებს და განისაზღვრებოდეს ინდივიდუალურად, რადგან მისი გამოყენება ერთისთვის შესაძლოა სასარგებლო აღმოჩნდეს, ხოლო მეორისთვის ზიანის მომტანი. (masaji tbilisi) კიდევ ერთი გავრცელებული მითია წონაში კლება, რაც მასაჯის დროს ცხიმის წვას გულისხმობს. ჩატარებული კვლევები კი ამ მოსაზრებას ეწინააღმდეგება. პროცედურის დაწყებამდე, აუცილებელია სპეციალისტთან გაიაროთ კონსულტაცია, რათა თქვენი მიზნები და საჭიროებები სწორად განსაზღვროთ.